Bəzən kiçik ölçülü yırtıqlar sinir köklərini sıxarsa, ölçüsündən asılı olmayaraq mütləq əməliyyat olunmalıdır.
1Əməliyyata mütləq göstərişlər
- Ekstruziya — yırtığın qopması və kanal daxilinə doğru yerdəyişməsi
- Sinir köklərinin kəskin sıxılması
- Spinal kanalın daralması və kompressiya
Yerdə qalan bütün hallarda fəqərəarası disk yırtığı əməliyyatsız müalicə oluna bilər.
2Osteopatik müalicə nəyi hədəfləyir?
Osteopatik müalicə yırtığın meydana gəlməsinə səbəb olan dayaq-hərəkət sistemi və daxili orqan disfunksiyalarını aradan qaldırmaq və ya düzəltmək məqsədi daşıyır. Son məqsəd fəqərələrin bir-birinə nisbətən normal vəziyyətini, onurğanın bütün hissələrinin vahid sağlam hərəkətliliyini və bütövlükdə bədənin normal fəaliyyətini bərpa etməkdir.
Müalicə zamanı fəqərəarası diskdə patoloji təzyiq aradan qaldırılır, əzələ spazmı aradan qalxır, ağrılar kəsilir, qan dövranı bərpa olunur.
3Yırtığın ölçüsü azalırmı?
Bizim öz təcrübəmizə və dünyada aparılan müşahidələrə əsasən qeyd etmək olar ki, düzgün müalicə və reabilitasiya alan pasiyentlərin çoxunda yırtığın ölçüləri azala bilər. Adətən ağrıların kəskin dövründə müalicənin məqsədi sinir sıxılmasının və iltihabın aradan qaldırılmasıdır; ölçünün azalması isə adətən 6–12 aydan tez baş vermir.